Çifti i cili ka pak më tepër se një vit e gjysmë të lidhur, duket se e kanë marrë seriozisht marrëdhënien e tyre. Përpos daljeve publike bashkë siç ishte ajo në Met Gala 2016 apo bashkëjetesës në New York, tashmë dy të rinjtë kanë vendosur të kalojnë në një tjetër nivel. "Gigi & Zayn's Beanz" kështu quhet produkti i dashurisë së tyre, me të cilin na ka prezantuar vetë modelja përmes një postimi në Snapchat. "Kurrë nuk është parë një dashuri e tillë" ka qenë komenti i Gigi-t i ngacmuar nga mbishkrimi në kanaçen e fasuleve. Një marketing aspak i zakonshëm, për të mos folur pastaj për produktin...FASULE. Në këtë rast vlen ajo shprehja: "Ndihet dashuria në ajër"!