Fotoja e Rike Roçit që kohë më parë bëri xhiron e rrjetit vazhdon akoma të gjenerojë zhurmë. Një postim i bërë nga trajneri i Liverpoolit, Jurgen Klopp, ku në qendër ishte fotoja e Rikes me mbishkrimin: “Ja pse na mungon Shqipëria në botëror”, ditën e djeshme u bë kryefjala e portaleve edhe pse nuk është konfirmuar nëse është profili i tij i vërtetë.

Eva Murati prezantuesja sportive e Vizion Plus dhe Tring ka reaguar për këtë foto, duke e publikuar në ‘Instagramin’ e saj dhe ka shkruar: “Nuk di ta marr për kompliment apo…”

Mesa duket ky koment nuk është pritur mirë nga Rike e cila sot ka zgjedhur të reagojë me një postim: “T’i themi shoqes E.M të Tring (tani e zbulova kush është) që për kompliment duhet ta marrë foton time që ka publikuar në Story-n e saj. Unë për vete nëse shoh një femër të bukur dhe të mirë më bëhet qejfi”

Mirëpo debati nuk është ndalur me kaq. Pas mesazhit të Rikes për Evën në Instastoryn e saj, edhe kjo e fundit s'ja ka përtuar përgjigjen me një tjetër postim:

"Objektivizimi i femrave shqiptare dhe ulja e vlerave, talentit, mundit të djemve që luajnë me kombëtaren tonë shkon përtej bukurisë apo jo të një individi. Askush nuk e mohoi bukurinë e shoqeve në foto. Nuk do guxoja se e di që fatkeqësisht ka njerëz që e vendosin mbi çdo vlerë tjetër."- shkroi Eva në foton e saj.