Një punonjës i Zyrës së Regjistrimit të Pasurive në Fier, është arrestuar për korrupsion pasiv pas disa muajsh në arrati. Ervis Bregasi, 32 vjeç, banues në Cakran, me detyrë jurist u arrestua pasi ishte shpallur në kërkim. Ndaj tij, Gjykata e Rrethit Gjyqësor Fier me vendimin e datës 26.05.2018, ka caktuar masën e sigurisë “Arrest në burg”, për veprën penale “Korrupsion pasiv i personave që ushtrojnë funksione publike". Juristi akuzohet se merrte një shumë prej 300 mijë lekësh për certifikatën e pronësisë së një qytetari.