Kur është fjala për Justin Bieber, surprizat nuk mungojnë. Përgjatë fundjavës që lamë pas, teksa pritej të performonte në iHeart Music Radio Awards, këngëtari 22-vjeçar na ka prezantuar me look-un e tij të ri. Çfarë ka bërë kësaj here do thoni ju? Po ja, flokët rasta. Një ndryshim ky paksa i çuditshmëm, për të cilin nuk jemi të sigurt nëse na pëlqen apo jo. Në fakt nuk jemi të vetmit, duke qenë se edhe vetë Justin e ka shoqëruar një foto selfie të flokëve të reja me mbishkrimin "Why". E njëjta pyetje na lind edhe neve Bieber. Gjithsesi duhet pranuar se flokët me rasta, vathi në hundë dhe tatuazhet në trup, nuk kanë ndikuar aspak tek muzika e tij e cila për momentin është më e kërkuara!