Ai tashmë po mundohet “me mish e me shpirt” të rifitojë dashurinë e Selena Gomez dhe siç duket gjërat janë në rrugën e duhur. Por kjo nuk e pengon Justin Beber të flirtojë me femrat e bukura. E një gjë e tillë ka ndodhur në Beverly Hills teksa po priste makinën e tij në dalje të hotelit, ashtu siç edhe vajza që kishte në krah. Këngëtari 23 vjeçar është fotografuar nga Daily Mail duke folur me vajzën e panjohur dhe për asnjë moment buzëqeshja nuk është larguar nga fytyrat e tyre. Justin ishte veshur me të shkurtra dhe një kapele, ndërkohë që bukuroshja ishte veshur me të zeza. Ajo dukej shumë e qeshur në prezencën e Justin dhe me siguri nuk i ka besuar syve se po bënte një bisedë me të. Kushedi çfarë i ka thënë ai, por shpresojmë që Selena të mos jetë bërë xheloze.