Justin Bieber ishte në qytetin e Cleveland për të parë finalen e tretë të NBA mes Cleveland Cavaliers dhe Golden State Warriors. Por mesa duket gjërat nuk kanë shkuar ashtu siç duhet, pasi Bieber nuk e kishte menduar se do të përfshihej në një përleshje. Aq më tepër me një person shumë më të madh  se ai. Në videon e postuar nga Tmz, këngëtari 22 vjeçar, ishte i veshur me bluzën e Cleveland Cavaliers dhe ndeshet me një person jashtë hotelit të tij në Cleveland. Duket tamam si një ndeshje boksi, ku Justin Bieber lëshoi një të djathtë ndaj kundërshtarit, por kjo solli zemërimin e tij dhe më pas Justin e pa veten përtokë. Disa njerëz po qëndronin aty afër dhe u përpoqën ti ndanin, por e dini kush ishte gjëja më e bukur? Djali që regjistroi videon thotë: “Sh*t, do ia dërgoj TMZ-së!”  Urime, ia arrite!