Mbreti i Pop-it (tani që nuk është më MJ) Justin Timberlake ka marrë nominimin e tij të parë për Oscar për këngën “Can’t Stop The Feeling” falë filmit “Trolls”. Duhet t’ju kujtojmë se kënga është pozicionuar në vend të parë në Billboard në SHBA verën e kaluar. Këtë herë ajo u nominua në edicionin e 89 të çmimeve Oscar në kategorinë “Best Original Song”.

Edhe pse na entuziasmoi pafund lajmi se Justin mund të shpërblehej me një çmim, na duhet ta pranojmë se është e vështirë ta fitojë, pasi beteja është mes “City of Stars” (La La Land) dhe “How Far I’ll Go” (Moana).