Juventusi ka hedhur një hap të sigurt drejt finales së Kupës së Italisë, pasi mposhti në shtëpi ekipin e Napolit me rezultatin 3-1 në betejën e parë të gjysmëfinales.

Në pjesën e parë skuadra e Napolit arriti të kaloje në avantazh në minutën e 36-të, me anë të spanjollit Callejon.

Ne fillimin e pjesës së dytë bardhezinjtë arritën që të përmbysnin avantazhin e Napolit duke shënuar tre herë. Dy penallti të kthyer në gola nga Dybala, në minutën 47’ dhe 69’, edhe një gol nga Higuain në të 64’ thuajse ia bëjnë më të lehtë ndeshjen e kthimit skuadrës së drejtuar nga Alegri.

Me këtë fitore bardhezinjtë vijojnë të ëndërrojnë fitoren e të tre trofeve sezonalë. Ndeshja e kthimit do të zhvillohet në datë 5 Prill në stadiumin e Napolit, por do të jetë shumë e vështirë që të kthejnë rezultatin.