Juventusi nuk ka ndërmend të bëjë ndryshime në pankinë. Drejtuesit bardhezinj kanë vendosur që të rinovojnë kontratën me Maksimiliano Alegrin, edhe pse ky i fundit dështoi të fitojë Ligën e Kampionëve ku humbi në finales ndaj Realit.

Ditën e nesërme mes palëve do të ketë një takim për këtë çështje, teksa Alegri ka sërish besimin e drejtuesve më të lartë të Juventusit dhe ka marrë bekimin e tyre për të vazhduar punën e tij në krye të pankinës.

Pritet që kontrata e re për Alegrin të jetë dy vjeçare me opsion për një vit tjetër, që me shumë gjasa do të firmoset brenda javës.