Ndodh çdo ditë që në rrjetet sociale ose në përditshmëri të shikojmë persona të ndryshëm, të cilët shfaqen gjithnjë të kuruar e duke shijuar një jetë luksoze.

Sot në KafeIN një nga temat që u diskutua ishte fiksimi për figurën perfekte. Një temë e cila bëri shikuesit e INTv dhe dëgjuesit e IN Radio 105.7 të përfshihen dhe të japin mendimin e tyre në lidhje me fiksimin e personave për të pasur gjithnjë çdo gjë në perfeksion.

Fakti që rrjetet sociale dita ditës po i shtyjnë njerëzit drejt zgjedhjeve të masës dhe të bërit të gjërave vetëm për tu dukur mirë për publikun dhe pa menduar nëse kjo zgjedhje është zgjidhja e të qënit perfekt, po kthehet në një trend dhe një problematikë e cila prek një numër shumë të madh të të rinjve.