Kandidati i “Bindjes Demokratike” për bashkinë e Beratit, kryetar i shoqatës “Antipatrea” Pavlo Shkarpa i ftuar në emisionin “KafeIN” gjatë një interviste me moderatorin Flavio Qarri është shprehur i sigurt për fitoren e tij më 30 qershor.
I pyetur për arsyen e pranimit të kandidimit, biznesmeni i njohur tha se shmangia e përsëritjes së vitit të mbrapshtë ’97, ka qenë shkaku që pranoi të kandidojë përballë kandidatit të PS Ervin Demo.
“Demo është kandidat i paracaktuar i PS, ka një biografi të dyshimtë pasi është akuzuar për plagjiatura.
Ai është propozuar nga Taulant Balla për të qenë në krye të Beratit dhe shqetësimi im është pikërisht kush do të drejtojë Beratin, qytetin tim të lindjes”, tha Shkarpa.
Ai tha se në Berat ka mbështetjen e dy forcave politike, PD dhe LSI.
“Ata kanë frikë por më kanë pohuar mbështetjen e tyre. Unë nuk bëj marrëveshje të dyshimta në kurriz të qytetarëve të Beratit. Gara ime është e pabarabartë me Ervin Demon, pasi ai ka gjithë makinerinë e administratës në funksion të tij”, tha Pavlo Shkarpa.
Ndiqni intervistën e zgjeruar në videon më poshtë