Një ngjarje, që ka tronditur Italinë është ajo e një familjeje shqiptareje, ku babai mostër akuzohet se ka përdhunuar vajzën e tij për 10 vjet me rradhë.
Ngjarja rrënqethëse ka ndodhur në Ancona. Po më në fund monstra u arrestua. Ai thuajse çdo ditë para se e bija të shkonte në shkollë e përdhunonte. Po nuk mjaftohej me kaq, kafshëria e tij vazhdonte duke e gjuajtur me shkelma sistematikisht për të evituar ndonjë shtatëzani të mundëshme. Vajza e trembur e duroi për vite me rradhë, pasi ai e kërcënonte vazhdimisht se po të tregonte do vriste gjithë familjen, nënën, motrën, vëllai, e më pas do vetëvritej.
Sot vajza është 23-vjeç dhe vetëm para 4 vitesh ajo mundi të shpëtojë nga kthetrat e monstrës, pasi u largua nga shtëpia. Asaj iu deshën 4 vite larg shtëpisë, që të vendoste nëse duhet të tregonte për krimet, që ai i kishte bërë përgjatë 10 viteve e në fund ja doli duke e denoncuar.
Monstra kur është pyetur nga policia ka mohuar gjithçka dhe ka deklaruar se vajza fantazonte. Po gjithësesi ndaj shqiptarit rëndon akuza për abuzim seksual dhe dhunë në familje dhe vendimi pritet të jepet së shpejti.