Për rreth një muaj dy inspektorë teknikë pranë “SGS Auto Albania” janë vëzhguar nga krimi ekonomik. Në përfundim të hetimeve ata janë vënë në pranga nga sektori për Hetimin e Krimit Ekonomik- Financiar në Kukës.
Arrestimi i tyre u bë pasi në kuadër të hetimit proaktiv një mujor dyshohet se në kohë të ndryshme kalonin automjetet të llojeve të ndryshme në kolaudim, kundrejt pagesës, jashtë kushteve teknike.
Në pranga kanë rënë Ermal Islamaj, 32 vjeç dhe Bujar Syla, 44 vjeç të dy banues në Kukës dhe me detyrë inspektor teknik pranë “SGS Auto Albania”.
Materialet do ti kalojnë Prokurorisë së Rrethit Gjyqësor Kukës, për veprime të mëtejshme, për veprat penale “Shpërdorimi i detyrës” dhe “Korrupsioni pasiv i personave që ushtrojnë funksione publike