Një sasi kanabisi është gjetur në brendësi të një kutie antidjersë, e cila do të futej në rrugë postare në burgun e Fierit.

Pakoja postare që do të futej në burg përmbante 13 doza kanabisi të paketuar, që do të çoheshin në qelinë e të dënuarit Kristo Dingo.

Gjatë kontrollit të ushtruar për sende të ndaluara, në pakot postare që mbërrijnë në burg, për të dënuarit dhe paraburgosurit, në pakon e te dënuarit, Kristo Dashnor Dingo, i dënuar për veprën penale, “Vjedhje me dhunë”, në brendësi të një kutie antidjerse, u gjetën të fshehura 13 doza, të dyshuara, lendesh narkotike, të llojit kanabis sativa”, njofton policia.

Lënda u sekuestrua në cilësinë e provës materiale, ndërsa për ngjarjen u njoftuan Policia e Shtetit dhe Shërbimi i Kontrollit te Brendshëm në Sistemin e Burgjeve, për kryerjen e veprimeve të mëtejshme procedurale.