Zgjedhjet në Itali kanë një rëndësi të madhe edhe për shqiptarët. Këtë herë në listat e kandidatëve janë dhe katër shqiptarë që pretendojnë të marrin nga një vend në Parlamentin Italian. Katër kandidatët janë Bruna Kola Mece, Emiliano Biraku, Anita Likmeta dhe Elona Gaxha.

Emiliano Biraku, kandidon për deputet në Romë dhe është pjesë e forcës politike “Partia Demokratike”. Kjo është forca politike e kryeministrit Gentiloni dhe Matteo Renzi .33-vjeçari nga Çorovoda ka studiuar për ekonomi dhe është një figurë e njohur atje, përveç se ka mbajtur poste politike ai është dhe një biznesmen i suksesshëm. Emiliano jeton në Venezia të Italisë.

Elona Gaxha, kandidon si deputete ne zonën e Peruxhias për partinë politike +EUROPA. Ajo përfunduar studimet për infermieri dhe e ushtron profesionin e saj. Elona është një ndër nënshtetaset më të reja Italiane, këtë vit ajo ka marrë pasaportën italiane dhe ka vendosur të jetë aktive në jetën politike të vendit ku jeton.

Anita Likmeta, kandidon si deputete në zonën e Romës për partinë “10 Volte Meglio”. Ajo ka mbaruar studimet për letërsi dhe filozofi në Universitetin e Romës “La Sapienza”, dhe tani është një historiane, shkrimtare dhe dokumentuese. E lindur në Durrës, shkoi në Itali me familjen e saj në moshën 11 vjeç. Anita Likmeta është një të rinjtë vizionarë që pretendon të ndryshoi shumë politikat diskriminuese ndaj emigrantëve.

Bruna Meçe, kandidon për deputete në Bergamo për partinë “Ligeri Uguali”, një parti e re e sapo formuar nga fraksionistët e Partisë Demokratike Italiane. Ajo ka studiuar për shkenca politike dhe është vetëm 25 vjeç.