Ai u fut si një yll i vërtetë në Trump Tower, por edhe më e bukur ishte mënyra se si u përcoll. Donald Trump u duk më shumë se thjesht miqësor ndërkohë që dilnin së bashku nga ashensori i kullës së tij pas takimit 15 minutësh me producentin 39 vjeçar. Trump tha se ata njihen prej kohësh dhe ndajnë një admirim të përbashkët me njëri-tjetrin. Ai u rrëfeu gazetarëve se kur Kanye kërkoi takimin, iu përgjigj në mënyrë të menjëhershme se “Pse jo”. Është shumë interesant fakti se Donald Trump ishte i pranishëm si një nga personazhet lakuriq në shtratin gjigand të klipit muzikor “Famous”. Për të mos harruar gjithashtu se Kanye së fundmi nuk është raportuar mirë nga gjendja mendore, por kjo nuk e ndaloi Donald që ta takonte.