Pas kryqëzimit që iu bë dje në mediat sociale se po promovonte piraterinë online të muzikës, tashmë burime pranë reperit kanë konfirmuar për TMZ se bëhet fjalë vetëm për "trollin" e tij të rradhës. Yeezy u sulmua nga fansat pasi publikoi në Twitter një foto të ekranit të kompjuterit ku në faqet e hapura dalloheshin disa sajte të përdorura për shkarkimin e muzikës në mënyrë të paligjshme. Ajo që fansat nuk dinin është se fotoja ishte thjesht një sajesë e Kanye-s për të provokuar fansat dhe për të rënë në sy. Sipas burimit pranë reperit, provë tjetër se hitbërësi i "Heartless" nuk po "vjedh" vërtet muzikë, është fakti se laptopi në foto i përket markës Samsung, ndërkohë që të gjithë e dinë se Kanye përdor Mac. Sikur nuk shkon të shkarkosh muzikë në laptopin e tjetrit?! Epo që te vuante kaq shumë për vëmendje, këtë nuk na e priste mendja!