Producenti 38 vjeçar ka nxjerrë një këngë të re, të titulluar “I Love Kanye”. Por kjo nuk është gjithçka! Ai e ka publikuar këngën jashtë kompanisë Tidal të mikut të tij Jay Z, konkretisht në Spotify, Apple Music dhe Google Play. Ylli i hitit “FourFiveSeconds” më parë kishte deklaruar se kurrë nuk do të publikonte muzikë jashtë orbitës Tidal, por tashmë duket se ka shkelur fjalën e tij me të dyja këmbët.

Kjo pasi përveç “I Love Kanye”, ai publikoi edhe “Famous” më parë gjatë kësaj jave, duke i befasuar të gjithë fansat e tij. Si do ta presë vallë Jay Z këtë tradhëti të hapur nga bashkëpunëtori në hitit “Niggaz in Paris”? Natyrisht që nuk është për t’u habitur sepse kur bëhet fjalë për Kanye, asgjë nuk është asnjëherë e sigurt, veçanërisht kur del nga goja e tij.