Por ndryshimi i temperaturave dhe shirat lokalë, sipas shërbimit Meteoalb, do të vijojnë edhe gjatë ditëve të ardhshme. Moti do të jetë i paqëndrueshëm me vranësira dhe shira të dobët dhe herë pas here do të ketë intervale me kthjellime. Temperaturat e ajrit, edhe gjatë ditës së nesërme (e martë) do të shkojnë deri në 20 gradë celsius, por duke filluar nga dita e enjte dhe deri në fund të javës do të pësojnë rritje të ndjeshme të tyre duke bërë që termometri të ngjitet deri më 28 apo 29 gradë C.

Parashikohet që nga dita e mërkurë dhe në vijim të ketë përmirësim të kushteve atmosferike, për pasojë moti do të jetë i kthjellët.