![Kastriot Çipi: Ja përse godina që propozohet për teatër nuk është e përshtatshme [VIDEO]](https://cms.intv.al/media/k2/items/cache/4c3acff678bd3e50108de09cb9ecbf84_L.jpg "Kastriot Çipi: Ja përse godina që propozohet për teatër nuk është e përshtatshme [VIDEO]")
Mbi 70 artistë, emra të karrierës në teatër dhe kinema i kërkuan Ministres së Kulturës, Mirela Kumbaro një takim urgjent për të diskutuar mbi dy çështje që ata i quajnë jetike, zhvendosjen e Teatrit Kombëtar në godinën multifunksionale “Turbina” si dhe projektligjin e ri për artin dhe kulturën.
Dy nga propozimet e hedhura nga aktorët dhe regjisorët janë protestat, deri në pezullimin e shfaqjeve nëse Ministria nuk tërhiqet nga dy nismat.
I ftuar në emisionin Kolaudim në In Tv, regjisori Kastriot Çipa, u shpreh se godina e cila propozohet për teatër nuk është e përshtatshme sepse infrastruktura e saj lë shumë për të dëshiruar.
Ai u shpreh se “Turbina” është akoma një ish-kapanon, i cili nuk ka kushtet e duhura për të kryer aktivitetin e përshtatshëm teatror.
“Teatrit Kombëtar i kërkohet të shkojë në një sallë e cila akoma nuk ka mbaruar. Që e quajnë herë skena e re alternative, herë skena e re e Tiranës, herë Turbina. Që është një ish-kapanon i institutit të Hidrometeorologjisë, ku beheshin testimet e digave”, u shpreh Kastriot Çipi.
Për më shumë shikoni videon e mëposhtme:
20 Dec 2024 
