Këngëtarja e famshme Katy Perry ka bërë një deklaratë që ka mërzitur jo pak fansat e saj të zjarrtë.

Pas 10 vitesh aktive në muzikë, këngëtarja ka vendosur të shkëputet dhe të përqëndrohet vetëm tek lidhja e saj me Orlando Bloom. Ajo u shpreh se nuk do të ketë asnjë album të ri pasi nuk ndihet më pjesë e lojës. “Kam qenë për rreth 10 vjet që jam pjesë e këtij biznesi, kështu që kam vendosur ta lë për pak kohë. Nuk do e bëj menjëherë një disk tjetër. E kam ditur se çfarë doja të bëhesha që kur isha 9 vjeç dhe mendoj se kam bërë shumë gjëra. Më pëlqen të bëj muzikë dhe të shkruaj por nuk ndihem më pjesë e lojës. Ndihem një artiste, nuk ndiej se duhet akoma të provoj diçka dhe kjo është çliruese”- është shprehur këngëtarja e njohur.

Perry ka qenë gjithashtu e pranishme në drejtimin e spektakleve të ndryshme si edhe pjesë e jurisë së “American Idol”. Për këngëtaren, ditët e shkëlqimit kanë mbaruar.
Ajo nuk tregoi se për sa kohë do të zgjasë kjo shkëputje por ama na bëri të nënkuptojmë se ajo do të jetë e gjatë.