Ish-deputeti socialist, Eduard Ndocaj, është regjistruar si kandidat për Bashkinë e Lezhës, ku si rival deri tani ka të konfirmuarin Pjerin Ndreu. Ndocaj do të kandidojë nën siglën e Partisë Aleanca Demokristiane, e cila ka vendosur të dalë e vetme në zgjedhje.

Ndocaj ka postuar një foto ku shfaqet kërkesa e PAD për regjistrimin e tij për Bashkinë e Lezhës ku shkruan se partia e tij nuk do të bashkohet as me hajdutët aktualë të PD dhe as me mafian e PS.

“Beteja kundër të keqes që ka mbuluar Lezhën, sapo fillon! Lezhianët, s’do bashkohen, as me hajdudët aktualë të PD dhe as me mafian e PS! Bashkohuni me njerëzit e ndershëm e punëtorë! Votoni Eduart Ndocaj për kryetar Bashkie Lezhë!”, shkruan Ndocaj.

Ndocaj ka qenë deputet për pak kohë në radhët e Partisë Socialiste, pasi zëvendësoi Arben Ndokën pas dorëheqjes së tij nga përfaqësimi i elektoratit të Lezhës.