Gjithçka filloi kur një gazetare postoi në Twitter se po bëhej një vit që kur zbuloi lajmin “tronditës” se Sasha Obama në të vërtetë quhej Natasha.

Sasha u bë 16 vjeç të shtunën, ekzaktësisht një ditë përpara se Twitter të zbulonte (sërish) që emri i vërtetë i ish-“Vajzës së Parë” nuk është Sasha, por Natasha. Për hir të së vërtetës ndryshimi nuk është kolosal, por kaq mjaftoi që të tërbonte rrjetin social nga komentet e shumta. Disa u habitën seriozisht pasi po e dëgjonin lajmin për herë të parë ndërsa të tjerë thjesht dukej se po talleshin me atë që nuk iu dukej si një lajm i mirëfilltë.