Kendall Jenner është një ndër modelet më të suksesshme dhe padyshim ka zënë një vend të rëndësishëm në industrinë e modës. Dhe si supermodele që është, nuk mund të mos bëhej pjesë e fushatës së re të revistës “Love”. Kjo e fundit ka disa javë që poston çdo ditë nga një video të shkurtër me modelet më të famshme, si Gigi Hadid, Karlie Kloss, Chrissy Teigen, për të kompletuar urimet për festat e fundvitit.
Dhe në ditën e Krishtlindjeve, e përzgjedhura për videon e “Love” ishte Kendall. 21 vjeçarja mban veshur të brendshme shumë të vogla “nude”. Ndërkohë që me sytë e mbyllur, e ulur mbi re, po meditonte, e frymëzuar nga ritualet fetare. Ajo gjithashtu vendosi duart para në pozicionin e lutjes, dhe me lot shumngjyrësh e mbyll videon me një pamje hidhërimi.