Ka kaluar një muaj që kur Kendall Jenner ishte parë bashkë me flirtimin e saj më të fundit, yllin e basketbollit amerikan Jordan Clarkson. Megjithatë ajo ka dashur t’u kujtojë të gjithëve se nuk bëhej fjalë për një argëtim të rastit, madje se ajo ende frekuentohet me të. Dhe natyrisht që dicka të tillë e ka bërë në stilin e familjes Kardashian-Jenner: nëpërmjet rrjeteve sociale. Kendall Ka postuar në rrjetet sociale një foto të saj ku shfaqet duke veshur një xhaketë të Los Angeles Lakers, i cili është dhe ekipi i Clarkson. Mbishkrimi i saj thotë “më bëj mua trajnerin”, por e kemi të vështirë të imagjinojmë se cfarë do të mund t’i mësonte ajo, në lidhje me basketbollin të paktën… Kendall duket se ka marrë shembullin e së motrës Khloe, e cila ka qenë të paktën dy herë në lidhje me basketbollistë të NBA, ish-bashkëshortin Lamar Odom të Lakers, dhe James Harden të Houston Rockets.