Ai do të vijë me një libërth të vogël me poezi të tij, në bashkëpunim me shtëpinë e botimeve Dudaj. Ishte vetë Arlinda Dudaj që e bëri të ditur lajmin  nëpërmjet profilit të saj në Instagram. Drejtoresha e shëpisë së njohur botuese ka publikuar një foto me artistin 35 vjeçar, dhe në mbishkrim ka bërë të ditur të renë e veçantë. Genc Salihu do të vijë me një sërë poezish, të cilat edhe pse do të jenë vetëm 37 të tilla, përsëri besojmë se do të ngjallin interesin jo vetëm të lexuesve, por edhe fansave të muzikës.