Miriam Cani është një nga këngëtaret më të njohura shqiptare dhe shumë e preferuar nga publiku. Prej shumë edicionesh ajo është pjesë e spektaklit “The Voice” aty ku ka “thyer shumë zemra”. Një prej tyre edhe atë të këngëtarit të njohur Ylli Limani.

Këngëtari rrëfeu pasditen e sotme në “Pasdite në Top Channel”, historinë dhe eksperiencën e parë në talent shoë-n "The Voice of Albania", nga i cili nuk la pa përmenduar edhe pengun për Miriam Canin.

“Po desha të kthehej Miriami, për shkak të stilit dhe butësisë artistike, por ajo nuk u kthye. Nëse do të ishin kthyer të katërt, kurrsesi nuk do ta kisha zgjedhur Eltonin. Më dukej gati i frikshëm, shumë i rreptë, por ishte krejt e kundërta”, -tregoi Ylli. Pavarësisht se nuk ishte zgjedhja që ai dëshironte, bashkëpunimi i tyre rezultoi një sukses i vërtetë.