Këngëtari i njohur amerikan Jon Bon Jovi nuk është fans i “Keeping up with the Kardashians” dhe as i “Shtëpiakeve të dëshpëruara”. Në një intervistë për The Sunday Projekt, 56- vjeçari ka treguar se asnjëherë nuk do të shpenzonte as 1 minutë nga koha e tij për të parë serialet në fjalë.

“Mendoj se është e tmerrshme që jetojmë në një botë të tillë. Unë nuk i njoh emrat e tyre. Nuk kam parë as një minutë të asaj shfaqjeje sepse nuk është për mua,” ka thënë Bon Jovi.

Më pas ai ka vazhduar komentin e tij duke shpërthyer kundër Kim. “Cila do të jetë autobiografia jote? Bëra një video porno dhe gjeje çfarë, u bëra e famshme? Shko lexo një libër, pikturo një pikturë, aktro, studio, këndo, luaj shkruaj.” Sigurisht kjo nuk është hera e parë që Kim përballet me deklarata të tilla nga njerëz të famshëm, që e gjykojnë për mënyrën si u bë e famshme.

Në vitin 2012, 38- vjeçarja iu përgjigj këtyre deklaratave duke thënë se as për të videoja e seksit nuk ishte mënyra e duhur për t’u prezantuar si njeri i famshëm, ndaj i është dashur të punojë 10 herë më fort për t’i dhënë fund këtyre gjykimeve.