Bëhet fjalë për këngëtarin Lindi Islami, ai ka performuar dje në “Kënga Magjike”, ku është përballur me një surprizë jo dhe aq të këndshme.

Para se të këndonte Arditi i kërkoi atij të shkonte tek zyra e tij. Po çfarë të shikonte aty? Rrobat dhe çorapet e Lindit të shpërndara gjithandej. Ndërsa Arditi i kërkoi Lindit që t’i paloste një nga një e t’i fuste në valixhe, e pyeti se si reagon Venera sa herë që ai e lë kështu shtëpinë.

“Më thotë sa mirë që më le ca punë, se s’kam ca bëj gjithë ditën”, – tha ai i zënë ngushtë.

Ndërsa për çorapet, problemi i tij i madh, me të cilin grindet me Venerën, Lindi thotë se i lë gjithmonë në tokë.

“Po ku t’i lë tjetër?” – pyet ai i ndier në faj.

Kjo lojë i është organizuar Lindit nga Venera, e cila është pjesë e jurisë së “Kënga Magjike”. Prej disa kohësh çifti ka hyrë në shtëpinë e tyre të re, por është përballuar me një problem për të cilin zihen gjithmonë. Venera, një maniake e rregullit dhe e pastërtisë, ndërsa Lindi krejt e kundërta e saj. Rrobat e tij mund t’i gjesh gjithandej nëpër shtëpi. Por që kjo situatë të ndryshojë, meqë i erdhi rasti.

Mesa duket vajza nuk e paskemi vetëm ne këtë problem, kështu qenkan të gjithë meshkujt.