Pas fitores së saj të fundit, ajo është shndërruar në njërën prej artisteve më të përfolura të skenës shqiptare. Padyshim performanca dhe zëri i saj fantastik, dominuan thuajse të gjithë sallën dhe shikuesit nga ekrani.
Bëhet fjalë për këngëtaren e talentuar Anxhela Peristeri, e cila së fundmi fitoi çmimin e parë në festivalin “Kënga Magjike”.
Që pas fitores së saj ajo është bërë shumë e popullarizuar dhe interesi mbi jetën e saj private është rritur, pra ka apo jo të dashur, me kë jeton si jeton, si i prish lekët.
Por duket se nga këngëtarja nuk do të kemi ndonjë të re së shpejti, pasi siç deklaroi ajo ditën e sotme në emsionin “Wake Up”, nuk e di nëse do të martohet ndonjëherë.
“Unë jetoj ende me prindërit. Vetëm babi ka të drejtën të më zgjoj nga gjumi, askush tjetër. Kemi qenë gjithmonë shumë të ngushtë me njëri-tjetrin. Kur isha 20-vjeç që shkova në Greqi sikur u bëra pak më e pavarur.”-ka rrëfyer këngëtarja gjatë intervistës.
19 Nov 2024 
