Zakonisht këngëtaret zgjedhin producentët dhe bashkëpunëtorët më të mirë për të realizuar projektet e tyre. Ndërsa këngëtarja shqiptare ka besuar në aftësitë dhe talentin e një djaloshi 10 vjeçar. Kohë më parë Linda Halimi mori pjesë në ‘American Idol’ dhe pasi mahniti me zërin e saj, vazhdoi me përkushtimin ndaj muzikës.

Sot, Linda ka publikuar këngën e re në gjuhën angleze nën titullin “Murda”. Dhe për çudinë e të gjithëve, këngëtarja është shprehur shumë optimiste dhe e lumtur për bashkëpunimin me një producent amerikan dhe reper të njohur. Linda ka zbuluar se suksesin e kësaj kënge ja ka besuar djalit 10-vjeçar të producentit Nealante, i cili ka vënë në jetë projektin.