Këngëtarja shqiptare, Dua Lipa, është pa diskutim një prej emrave më të pëlqyer të momentit në tregun ndërkombëtar dhe e themi me plot gojën se po përjeton periudhën e saj më të mirë.

Së fundmi Dua ka ardhur në bashkëpunim me Diplo, Silk City dhe Mark Ronson, ku ky i fundit ka bashkuar të gjithë për të qenë pjesë e këngës, 'Electricity'. Këngë e cila në vetëm pak ditë nga publikimi tashmë ka mbi 10 milion klikime.

Të lumtur për arritjet e saj janë të gjithë shqiptarët ngado ndodhen si edhe këngëtarët shqiptarë, të cilët nuk bëhen ziliqarë, por përkundrazi krenohen me suksesin e shqiptares jashtë vendit.
Një prej tyre është edhe Vesa Luma. Kjo e fundit ka publikuar në ‘insta story’ një video ku tregon se kënga e Duas është trend edhe në Zelandën e Re. E lumtur për përkrahjen e Vesës, Lipa e ka postuar në ’insta story’, postimin që i dedikoi Luma. Madje këngëtaret e ndjekin njëra-tjetrën në Instagram./intv.al/