Të zhvendosesh në një vend të ri, duke lënë pas miqtë dhe jetën që ke pasur dikur nuk është aq e lehtë.
Intv.al thotë se përshtatja është një nga gjërat më të mira që do t’iu ndihmojë të ndiheni mirë në ambjentin e ri që po ju rrethon. Sipas psikologut, Andrea Bonior i cili është edhe autor i “The Friendship Fix”, të ndihesh si i huaj mund të paralizojë jetën tuaj sociale. Ja disa këshilla si të veproni, për t’u përshtatur në një vend që nuk e njihni:
1. Gjeni vendin e duhur për t’u marrë me stërvitje
Një një vend ku ka njerëz të cilët e kalojnë kohën e tyre duke mbajtur veten në formë, ka më shumë mundësi të gjeni miq të rinj. Intv.al shton se të krijosh bisedë ndërkohë që jeni duke u stërvitur, është më e lehtë, sepse po ndani të njëjtin aktivitet.
2. Filloni punë
Sipas një studimi, personat që kanë miq në vendet e punës janë më produktivë dhe më shumë të fokusuar në punë. Nëse nuk punoni, nuk do arrini të bëni një jetë të mire, por do burgoseni në shtëpi.
3. Bëhuni pjesë e grupeve të ndryshme
Në internet kërkoni aktivitetet e ndryshme që organizohen në vendin që jetoni. Zgjidhni çfarë ju tërheq më shumë dhe kërkoni të bëheni edhe ju pjesë në të. Aktivitetet në grup, sipas intv.al do ju ndihmojnë të njihni më shumë njerëz të rinj.
4. Flisni me fqinjët
Krijoni kontakt me njerëzit që jetojnë pranë jush, pasi mund t’iu ndihmojnë në situata të ndryshme. Duhet të silleni sa më të sjellshëm me ta.
5. Zgjidhini vendet ku relaksoheni
Femrat, shumicën e kohës së tyre e kalojnë në sallonet e bukurisë. Në këto vende mundësia për të njohur njerëz të rinj është më e madhe. Intv.al ju këshillon se gjatë kohës, kur ndiheni mirë me veten, mund të krijoni atmosferë miqësore.
Burimi: Huffington Post
Përshtati: Anisa Bega
20 Dec 2024 
