Ajo është një nga femrat më të bukura shqiptare dhe jo më kot është zgjedhur si Miss Shqipëria. Edhe pas lindjes pasi ajo është nënë, Suada Sherifi duket po e njejta, e bukur si gjithmonë. Ajo ishte e ftuar në emisionin “Wake Up” ku ka folur në lidhje me planet e saj dhe ka zbuluar për moderatoren Oriola Nebiaj se si ia doli të bëhej notere, duke qenë se ato të dyja ishin në të njejtën shkollë dhe vendet ishin të limituara.
“Noterët vdesin ndonjëherë. Vdekja është diçka biologjike dhe të gjithë jemi të zëvendësueshëm.”, u përgjigj Suada.
Ajo tha se është e vetëdijshme se shumë njerëz e shikojnë me dyshim faktin që ajo ka marrë licencën e noterisë, por ka qenë vetëm punë dhe përpjekie.
“Basketbolli më ka ndihmuar shumë me disiplinën, me menaxhimin e kohës. Pasi punova si avokate, mora guximin ta provoja veten, bëra provimin e noterisë dhe ndonëse njerëzit janë skeptikë, ata nuk e dinë që unë në këtë provim kam dalë e dyta.”