mijë që janë të suksesshëm po njësoj. Në një kërkim të bërë nga Universiteti i Pitsburgut, rezultoi në një transmetim ndërgjenetik në matematikë, nga prindi tek fëmija. Studimi përfshinte 54 fëmijë mes moshës 5 dhe 8 vjeç si dhe 51 prindër, me minimumi një diplomë të shkollës së mesme.

Fëmijëve u dha 3 teste matematikore, që kishin si bazë njohuritë e tyre bazike në këtë fushë. Prindërve u dhanë gjithashtu teste që ishin një vështrim i përgjithshëm mbi njohuritë në matematikë. Rezultatet treguan se niveli i performancës së fëmijëve ishte parashikuar më parë nisur nga ai i prindërve. Por, studiuesit besojnë se lidhja e aftësive matematikore mund të jetë një kombinim i transmetimit të trashëgimisë dhe faktorëve mjedisorë. Gjithsesi , debati mes aftësive të lindura dhe atyre të kultivuara tek njeriu vazhdon dhe është i gjerë. Aftësitë natyrale kanë të bëjnë me trashëgiminë gjenetike dhe faktorë të tjerë biologjikë. Kurse kultivimi i këtyre aftësive, lidhet kryesisht me faktorët e jashtëm, me eksperiencën dhe të mësuarit individualisht. Studime të mëtejshme nevojiten për të kuptuar faktorët gjenetikë dhe mjedisorë që ndikojnë në aftësitë matematikore. Kjo do të ndihmonte në krijimin e një ambjenti optimal nxënieje në shtëpi që përmirëson aftësitë në matematikë.