Ylli në ngjitje i muzikës rap Desiigner është arrestuar mbrëmjen e së enjtes në New York. Arrestimi ka ndodhur pas një grindjeje në trafik mes 5 personave në një makinë SUV dhe shoferit të një makine tjetër. Është pikërisht ky i fundit ai që ka deklaruar se hitbërësi i “Panda” i ka drejtuar armën atij duke e kërcenuar. Pasi makina e reperit u largua, shoferi i kërcenuar lajmëroi policinë duke i dhënë targën e makinës. Autoritetet policore, arritën ta kapin automjetin, e kontrolluan atë, e përveç armëve, gjetën Oxycontin dhe droga të tjera bën me dijë TMZ. Reperi 18 vjeçar dhe 4 miqtë e tij, thuhet se janë ngarkuar me akuzën e posedimit të paligjshëm të një substance të kontrolluar dhe posedim i paligjshëm i drogës me qëllim për ta shitur. Ndërsa ndaj Desiigner rëndon edhe akuza e armëmbajtjes dhe kërcenimit.