Pas zhvillimeve të fundit në sistemin e drejtësisë, partitë opozitare kanë kërkuar dorëheqjen e kryeministrit, Ramush Haradinaj.
Haradinaj sipas zyrtarëve opozitarë, nuk mund të jetë edhe më kryeministër për shkak të ndërhyrjes së tij në sistemin e drejtësisë. Lideri i Lëvizjes Vetëvendosje, Albin Kurti, ka thënë se është detyrë qytetare dhe obligim politik të kërkohet dorëheqja e Haradinajt.
Edhe deputetja e LDK-së, Vjosa Osmani, ka kërkuar që urgjentisht të hidhet në votim mocioni për rrëzimin e Qeverisë Haradinaj.