Në çdo vit të ri shkollor prindërit janë të shqetësuar pasi duhet të vendosin se cilat canta janë të përshtatshme për fëmijët.Shumë prej tyre mendojnë se cantat kanë efekte negative duke i shkaktuar fëmijëve dëmtime në shpinë. Madje shumë kompani kanë tentuar edhe të krijojnë çanta ortopedike.

Por prindër qetësohuni pasi një lajm i mirë vjen nga Kanadaja, ku mjeku Michael Holmes thekson se nuk ka arsye për t’u shqetësuar pasi nuk ka evidenca të qarta se çantat e shpinës kanë ndikime negative në shpinën e fëmijëve.

Por ai ka një këshillë për prindërit, fëmijët duhet të mësohen të mbajnë çantën me të dyja krahët jo vetëm me një në mënyrë që pesha të jetë e balancuar .

Doktori rekomandon që fëmijët të kenë canta që kanë një rrip edhe tek beli në mënyrë që ngarkesa të bjerë edhe në fund shpinë, si dhe krahët e cantës në supe të jenë të gjerë dhe të plotë.

"Çdo shtator prindërit janë të shqetësuar për të gjetur çantat e përshtatshme për fëmijët, por ata duhet të qetësohen se nuk ka studime të qarta që tregojnë për dëmtime në shpinë, ata thjesht duhet të dinë të mësojnë fëmijët sesi të mbajnë cantat të balancojnë peshën” nënvizoi mjeku kanadez.

Sipas tij fëmijët duhet të mësohen që çantat t’i mbajnë me të dyja krahët, të mos e ngrakojnë me sende të panevojshme dhe të jenë shumë aktivë për të parandaluar çdo dëmtim të mundshëm.

Kujtojmë se studime të mëparshme kanë gjetur edhe lidhje rreth mënyrës sesi fëmijët mbajnë çantat dhe ndryshimet që pësojnë në qafë dhe në kokë.

Po ashtu kërkuesit arritën në përfundimin se nuk ka prova bindëse që të dëshmojnë se çantat e shkollës shtojnë risqet që fëmijët të kenë dhembje në kurriz.