Ish-zëvendës ministrja e Jashtme, Edit Harxhi, njofton se është tërhequr nga gara për Këshillin Kombëtar të Partisë Demokratike. Gjithçka ajo e argumenton me faktin se PD, duhet të ishte sot në protestë.

“Të dashur miq, unë sot tërhiqem nga gara për Këshill Kombëtar të PD pasi si ish studente dhjetori mbështes fuqimisht dhjetorin e dytë shqiptar dhe mendoj se PD duhet të ishte sot në protestë dhe jo e mbyllur në salla dhe e marrë peng. Jam kundër grevëthyerjes! PD do triumfojë”, shkruan Harxhi në Twitter.

Më herët edhe zëdhënësja e ish-Kryeministrit Sali Berisha, Erla Mhilli, Edvin Kulluri, Valbona Mezini, Fabian Topallaj u tërhoqën nga gara.