Djaloshi “i keq”

Nga të gjithë tipat e meshkujve duket se më së vështiri u rezistojnë këtyre të “këqijve”. Janë të pakapshëm, shpesh ndërojnë femrat dhe assesi të zbuten. Stili i jetës është i larmishëm dhe shoqërimi me ta kurrë nuk është monoton. Janë krejtësisht të ndryshëm nga djelmoshat “e mirë” apo siç disa i quajnë “burracakë” dhe mbase me ta do të jetë më argëtuese, mirëpo çfarë ju duhen të tillët kur në fund do ju zhgënjejnë?

Mashkulli i martuar

Femrat të cilat kaneë lidhje me meshkujt e martuar me siguri do të ngushëllohen duke menduar që ata nuk janë të kënaqur me partneret e tyre, edhe pse janë të martuar, mbase janë para divorcit, ai është tipi që mashtron, etj. Çështja është se asgjë nga kjo nuk është me rëndësi, sepse është pak e besueshme që do ta braktisë bashkëshorten. Por, edhe nëse e braktis, kush ju garanton që edhe ju nuk do t’ju braktisë?

Dashnori nga largësia

Disa tipa meshkujsh dëshirojnë të funksionojnë nga largësia. Nuk themi që lidhja nga largësia nuk mund të ketë sukses, mirëpo nëse dashnori juaj i cili jeton në qytetin tjetër apo në shtetin tjetër në asnjë moment nuk tregon që do të dëshironte t’ju ofrohej, mirëpo nëse u shmanget pyetjeve tuaja lidhur me marrëdhënien dhe ndryshimin eventual, lëreni të qëndrojë aty ku është, ndërkaq ju vazhdoni përpara.

Mashkulli i pakapshëm emocionalisht

Edhe më keq se mashkulli i cili jeton larg është ai i cili është afër jush, mirëpo në të vërtetë është emocionalisht i paarritshëm. Më lehtë është të realizohet marrëdhënie me atë i cili nuk jeton në qytetin tuaj se sa me tipin e tillë të mashkullit. Shumica e femrave “dorëzohen” para këtyre meshkujve sepse marrin rolin e “shpëtueses” së tij, d.m.th. rolin e nënës, mirëpo, ai nuk dëshiron të jetë i shpëtuar.

Mashkulli që ka frikë nga lidhja

Tipi i këtij i mashkulli është alergjik ndaj lidhjeve. Por jo, nuk është fjala për tipin e mashkullit i cili dëshiron që me femrat të jetë vetëm një natë, mashkulli i këtillë do të jetë në lidhje me të dashurën e tij madje edhe vite të tëra, mirëpo kurrë nuk do të dëshirojë të bëjë një hap para. Ai nuk detyrohet të bëjë diçka që nuk dëshiron. Hiqni dorë.