Atletet më të shtrenjta në botë quhen “The Fire Monkey” dhe u regjistruan në Librin Guiness.

“The Fire Monkey” kushtojnë plot 4 milionë dollarë dhe janë të stolisura me 18 karatë ar, me diamatë të bardhë dhe me safir të kaltër. Dizenjuesit e tyre janë brendi luksoz i modës Bicion dhe prodhuesi i atleteve “Mache Custon Kick”  së bashku me Dan Gamache.

Të hollat nga shitja e këtyre atleteve do të derdhen në organizatën jofitimprurëse Soles4Souls, e cila lufton kundër varfërisë në botë. Kjo organizatë, që nga vitit 2006, ka dhuruar më shumë se 26 milionë atlete në 127 vende të botës.