Duhet ta pranojmë, se që kur janë future në jetën reale, robotët kanë qenë një zhgënjim I këndshëm, pasi ata bëjnë disa gjëra që njerëzit nuk janë në gjendje t’i bëjnë vetë. Instituti “McKinsey” ka bërë një klasifikim të profesioneve që në një të ardhme kanë më shumë mundësi të shndërrohen në automatike.  Sipas rezultatit të nxjerrë nga ky raport, punët që mund t’ju “vidhen” nga robotët e së ardhmes janë kryesisht ato të sektorit të restaurimit dhe të prodhimeve industriale. Sipas analistëve, punët në prodhimet industriale dhe ato të shërbimeve të lidhura me ushqimin apo me shitjen me pakicë janë më të rrezikuarat, krahasuar me sektorët si shëndetësia apo edukimi, që janë më të sigurt, pas një analize të bërë mbi 2000 detyra të caktuara bazuar në 800 vende pune. Na vjen keq të ju themi se duhet të shqetësoheni nëse puna juaj lidhet me veprime që përsëriten shpesh gjatë ditës, si për shembull paketimi i objekteve apo përgatitja e ushqimeve. Një shembull i robotit që zëvendësoi njeriun është Pepper-i, i cili ka gjetur punë në disa dyqane apo në bordin e anijeve.