Bukuroshja 31 vjeçare ka ecur përpara me jetën e saj, ashtu si çdo herë në fakt, duke gjetur një mashkull tjetër në jetën e saj, edhe më të ri në moshë. Pas bashketbollistëve Odom dhe Harden, ajo ka kaluar në botën e futbollit amerikan me 23 vjeçarin Odell Beckham Jr. Dyshja është parë duke qëndruar me intimitet në një klub nate ndërkohë që raportohet frekuentohet prej muajsh.

Megjithatë lojtari i New York Giants nuk është një njohje e re për universin Kardashian. Djaloshi me flokët e çmendura ishte i pranishëm të premten mbrëma në festën e ditëlindjes së ish kunatit të Khloe, Scott Disick, dhe jo vetëm. Odell është gjithashtu mik i ngushtë me reperin Tyga, i cili vetëm pak kohë më parë u nda nga motra më e vogël e Khloe, Kylie Jenner. Njohje të vjetra për një profil që përshtatet tërësisht me shijet e Khloe, i ri, me ngjyrë dhe sportist profesionist.