Khloe Kardashian ndoshta nuk e ka menduar kurrë se do të pushtojë kopertinën e revistës “Health”, por 32 vjeçarja do ta bëjë realisht këtë gjë në numrat e janarit dhe shkurtit, dhe duhet ta pranojmë që duket “bombë”.
Në brendësi të revistës, Khloe shpjegon mënyrën sesi ushtrohet dhe ushqehet për të mbajtur trupin në formë. Ajo po aplikon një dietë që konsiston në reduktimin e produkteve të përditshme, por ka diçka që e mundon shumë. Pikërisht fakti që motra e saj Kim K mund të hajë gjithçka, pra është ashtu siç duan të gjithë femrat “Të hanë por mos të shëndoshen”.

“Kim mund të hajë çdo gjë, dhe mua më vjen t’i them “të urrej” u shpreh Khloe para se të tregonte për krahasimin më të çuditshëm që ka dëgjuar për të dhe motrën.
Ka qenë dietologu personal i Khloe ai që ka bërë një krahasim të tillë, dhe me të vërtetë ishte interesant. “Kim ka një trup si Ferrari, dhe ti një trup si “Honda”, i është drejtuar ai bukuroshes së familjes Kardashian.
Khloe nuk kishte ç’të bënte gjë tjetër përveç se ta pranonte këtë të vërtetë të hidhur.