Një revistë amerikane ka guxuar duke thënë se çifti janë drejt divorcit për shkak të zënkës në Twitter që Kanye pati me Wiz Khalifa-n. Sipas një burimi për revistën Life & Style, Kim është ndjerë aq e turpëruar nga e gjithë situata e krijuar me Amber Rose (ironike apo jo), sa ka vendosur të nxjerrë nga shtëpia West duke ndryshuar madje edhe kodet e sigurisë së shtëpisë. I njëjti burim ka shtuar gjithashtu se Kim ka besuar dhe mbështetur çdo fjalë të Amber Rose në Twitter, duke u shprehur se Kanye i meritonte ato plotësisht. Siç duket kjo shpjegon edhe foton e Kim dhe Amber së bashku, që për shumë njerëz erdhi surprizë. Ajo që vërtet nuk kuptojmë nga e gjithë kjo histori është se si mund të jenë Kim Kardashian dhe Kanye West duke u ndarë, kur TMZ ka bërë publike orët e fundit një foto ku shihet muri i shtëpisë së çiftit i zbukuruar nga dy dedikime "I <3 Kanye" dhe "I <3 Kim" të bëra nga vetë ata! Hmmm...