Të paktën sipas ligjit amerikan po. Prej disa kohësh Kim Kardashian dhe Kanye West pretendojnë se Taylor kishte dijeni për këngën “Famous” ku Kanye e cilëson Taylor si ‘bitch’, duke regjistruar madje edhe një telefonatë që e vërteton këtë pretendim. Por telefonata e famshme, e kthyer tashmë në lajmin e javës, mund të sjellë probleme me ligjin për çiftin Kardashian-West. Avokatët e Taylor kanë dërguar një letër drejt West, ku thuhet se sipas ligjit të Kalifornisë, është e ndaluar të regjistrosh një telefonatë në mënyrë sekrete. Thënë ndryshe, Taylor i lind e drejta që të padisë dyshen ‘Kimya’ për dhunim të ligjit!