Zjarret masive kanë përfshirë mbrëmjen e djeshme zonën e Calabasas në Kaliforni, një vend i njohur ky ku jetojnë shumë personazhe të famshëm dhe yje të shoëbiz-it botëror. E para ka qenë Kim Kardashian, ajo që përmes rrjeteve sociale ka ndarë këtë moment të vështirë me të gjithë, duke postuar imazhe me foto dhe video të ndryshme, ndërkohë që u ka kërkuar të gjithëve të luten për banorët e zonës dhe familjet e shumta që janë përfshirë nga flakët atje.

Pas saj, ka qenë këngëtarja e njohur shqiptare Anxhelina Hadërgjonaj, e cila duket se banon shumë pranë Kim Kardashian dhe në të njëjtën zonë ku ka rënë zjarri i mbrëmshëm. Bashkë me mikun e saj, grimierin e famshëm Ariel, ajo gjithashtu është evakuuar dhe tashmë ndodhet në një ambient të sigurt. “Po mundohemi të jemi pozitiv”, shkruan ajo, pas momenteve të vështira që kaloi.

Një reagim lidhur me këtë ngjarje ka bërë edhe Kylie Jenner e cila përmes një statusi në InstaStory, ka falënderuar gjithë zjarrëfikësit për punën që po bëjnë për ta ndaluar zjarrin.

“Faleminderit për të gjithë zjarrëfikësit e guximshëm që po e luftojnë këtë zjarr, për tu kthyer në shtëpi”, ka shkruar ajo.