Ajo nuk është nominuar për asnjë kategori në MTV Video Music Awards dhe kështu ka vendosur që të mos shkojë. Ishte sajti People ai që konfirmoi se pavarësisht se Taylor aktualisht gjendet në New York, ku dhe do të mbahet mbrëmja e madhe, nuk do të jetë e pranishme. Një situatë kjo shumë e ndryshme nga një vit më parë, kur Taylor u shpall fituesja e madhe, me “Video of the Year” dhe dy çmime të tjera. Por duket se fati rrotullohet për të gjithë, edhe për yllin më të madh të muzikës pop në botë. Por kjo nuk është gjithçka, pasi duket se bukuroshja 26 vjeçare nuk do të ketë mundësinë të debatojë me Kim Kardashian, e cila është një nga prezantueset. Për të mos përmendur faktin se Kanye është nominuar në një kategori për "Famous", kënga që i futi ata në luftë. Nuk është çudi pse Taylor preferon të qëndrojë jashtë.