Mjekët hoqën më shumë 200 gurë tëmthi nga trupi i një gruaje në Kinë.  Ajo vendosi të shkonte në spital pas më shumë se 10 vitesh dhimbje stomaku. Testimet treguan se 45 – vjeçarja e identifikuar me emrin Chan, kishte një numër të madh gurësh në tëmth, që mjekët besonin se ishin grumbulluar me kalimin e viteve. Kirurgët hoqën të paktën 200 të tillë nga fshikëza e tëmthit dhe kanalet biliare. Disa prej tyre kishin madhësinë e një veze. Gruaja deklaroi se dhimbja nisi më shumë së 10 vite më parë, por frika nga operacioni bëri që të mos vizitohej. Mjeku kirurg Quanwei Wei, sipas britanikes “The Sun” tha se ky numër i madh gurësh mund të jetë krijuar për shkak se 45 – vjeçarja nuk hante mëngjes. Ajo u tha mjekëve se prej 10 vitesh nuk e hante këtë vakt dhe ndonjëherë ishte tepër e lodhur për të gatuar në darkë, pasi kthehej nga puna.