Me siguri që ky është pronari më i dashur nga punëtorët, dhe çdokush do dëshironte të punonte në kompaninë e tij. Mark Bertolini është drejtori i një kompanie në tregun e sigurimeve shendetësore, me emrin “Aetna” , në Shtetet e Bashkuara të Amerikës.

Bertolini, mesa duket ka gjetur sekretin që punëtorët e tij të jenë të motivuar për punë dhe ti kryejnë sa më mirë detyrat e tyre. Ky sekret është pikërisht pagesa për orët e gjumit. Ai e di shumë mirë se që të ndihesh i çlodhur ditën tjetër, nevojiten të paktën 7 orë gjumë i rehatshëm. Kjo është arsyeja pse Mark Bertolini i paguan punëtorët e tij me 25 dollarë në natë, nëse ata i provojnë se kanë fjetur 7 orë gjumë për 20 ditë rresht. “Mund të përfitojnë deri në 500 dollarë ekstra në vit”, thotë ai.

Bertolini shprehet i kënaqur me punën e punëtorëve të tij dhe thotë se që prej kohës kur është vendosur ky rregull ka një rritje të produktivitetit dhe cilësisë së shërbimeve të ofruara nga kompania që ai drejton.